Image via Wikipedia
Dulot ng Pagmimina
'Di maipagkakaila na ako'y masaktan
Na makitang dinudurog ang kagubatan
Walang habag na winawasak ang kagandahan
Ng mga taong nagnanasa't uhaw sa aking yaman…
'Di sila titigil hangga't 'di makita ang ginto
O ang pagdaloy ng malapot kong dugo
At mawasak ang aking sinapupunan
Na tahanan ng mga nilikha ni Bathala!
Kapangyarihan ng Pera
Sa tuwing may sakuna
Laging sinisisi ay si Bathala…
Ang kalbuhin ang kagubatan
Iyon ba ay utos ng Maylikha?
'Di ba ito'y bunga ng kapangyarihan
Ng pera - diyos ng sangkatauhan!
Tao, Magbago Ka
Masarap mabuhay…
Paggising mo sa umaga
Ay malaya mong lalanghapin
Ang halimuyak ng kabukiran
Malaya mong tatanawin
Ang kulay berdeng mga dahon
Bigay nila'y buhay at pag-asa
Malaya mong lalanguyin at sisisirin
Ang malawak at malalim na karagatan
At malaya kang mamumuhay
Sa kandungan ni Inang Kalikasan na masaya!
No comments:
Post a Comment